اليوم بقولكم نصيحة عمركم خاصة للي حلمهم يكونون كتاب وراعين كتب وروايات والناس تتضارب عشان كتبها 
النصيحة بكل اختصار اكتب في المحرمات الاجتماعية <<وش رايكم بالمصطلح خطير صح؟
اللي اقصده اكتب في اي شي تحس انه محرم اجتماعيا مثلا ناخذ رواية بنات الرياض مع اني شخصيا اشوف ان كلمة رواية بدري عليها بقوة لا الكتاب ولا الكاتبة المهم اللي قرا الرواية ممكن لما خلص منها تحسف على الوقت اللي قضاه في قرايتها ليه لان البنت تكلمت عن احد المحرمات الاجتماعية الا وهو علاقة الولد بالبنت خارج اي علاقة طبيعية مثل زواج او قربى او غيره هالشي خلى الرواية تطلع فوق وتحتل المركز الاول لاكثر الكتب مبيعا على مكتبة النيل والفرات الالكترونية لفترة طويلة لكن الانسان العاقل واللي بيفكر في الموضوع راح يحصل ان اللي رفعوا هالرواية او مثلها من الروايات هم اصحاب العقول المتحجرة والناس االلي مقتنعة ان المجتمع السعودي مجمتع ملائكي وافراده لا يخطئون خصوصا في امور الشرف لكن هالشي غير صحيح ابدا اذا الشخص يشوف اللي قدامه في البيت بهالصورة ممكن لعدة اسباب اول شي ان مجتمعنا ما وصل لدرجة المجاهرة بالاشياء والعلاقات بين افراد العائلة الواحدة مثلا قليل جدا اللي تلقاه يقول لامه والا ابوه ان صديقتي قالت لي كذا والا كذا او حتى احد من اخوانه وممكن ان من عندك بالبيت من راعين هالعلاقات المشبوهه لكن انت ما تدري عنها ويظهرون قدامك بمظهر برئ .
الزبدة اللي يبي يكتب رواية وتنجح بشكل كبير وهو موجهها للمجتمع السعودي يكتب في احد هالامور
الجنس خارج نطلق الزوجية او داخلها بطريقة غير متوقعة ومقززة
المخدرات والعلاقات بين الجنسين والدين بس لا تخربونها مرة يعني انا قبل امس جاني ايميل يتكلم ان فيع مجموعة سعودية مسوين جميعة تنصيرية داخل المملكة فممكن يجي واحد يتخيل ان دخل وسط هالتنظيم وانهم حاولوا ينصرونه طبعا وهو شيخ وما يخطي عشان كذا ما تنصر ويقعد يخربط علينا ويتخيل امور مالها وجود وانا اضمن له منع الرواية في السوق وبيعها مهربه وارباح كبيرة بس لا ينساني من الارباح
هذا شي كان يدور في خاطري من كم يوم لما قريت رواية بنات الرياض اللي اشوف انها اخذت اكبر من حجمها بكثييييييير لانها اتخذت الطريق اللي تكلمت عنه فوق وحبيت اني اشارككم وجهة نظري واشوف رايكم في الموضوع
وجهة نظر مقنعة جداً وأنا شخصياً أعتقد بأن 90% من نسبة نجاح مادةٍ ما إعلامياً أكانت كتاباً أو فيلماً أو غيره هو الموضوع الذي تتناوله ومدى تأثيره في المجتمع ، فـ غالبية المواضيع التي تحقق ضجة إعلامية وجماهيرية تأتي بجوانب (غير متعارف البوح عنها إجتماعياً) أو أقلها عدم المجاهرة بها عادةً ..
وكما يقال دائماً ، الممنوع مرغوب ، فـ تناول موضوعات .. لا نقول ممنوعة لكن غير متراودة تأرجح من كفّة العمل نحو الجذب الإعلامي ..
بالطبع لا أحبّذ من هذه الطريقة ، فهي مجرد خدعة في غالب الأوقات للقراء المتذوقين والواعين ..
وستظهر حقيقة الكتاب عاجلاً أم آجلاً إن كان فريد المضمون أو إسم على غلاف فارغ ..
الدكتورة كلام سليم مية المية
علشان كذا انا كنت ناوي أسوي كتاب عن العالم السفلي في الإنترنت من المجتمع السعودي بالتحديد ، يعني كنت ناوي أكتب عن الهاكرز السعوديين (إن صح تسميتهم هاكرز ، و الا بدري عليهم تطلق عليهم هالعبارة) ، إستخدام الإنترنت في الإرهاب ، في الجنس ، في العلاقات الغير شرعية ، في مؤتمرات الفيديو المثيرة
(حلوة كلمة مؤتمرات !) ، في شحادة بطاقات السوا … الخ
تتوقعون ينجح الكتاب ؟؟؟ ، أبعطيه دار الساقي تنشره لي
ِ
احتمال ينجح بس دار الساقي ما اتوقع يرضون ينشرونه لك الا اذا عندك واسطة لانه مو سهل الوصول لهم ويقولون ان بنات الرياض كاتبها غازي القصيبي ونزلها باسم البنت
كتاب بنات الرياض كتاب تعرض لمواضيع كانت خلف ستار العيب وقلة الادب لكن الحقيقة ان هذا المواضيع موجودة في مجتمعنا الخليجي فلماذا لا نحاول وضيع يدنا علي جرح في نهاية اشكر الدكتور رجاء
ملاحظة:اطهر الكتاب حقيقة التفريق بين شيعة وسنة في المملكة وهذا نقطة لا يجرأ احد طرحها
لا اوافقك الراي اخي .. ان الذي يجعل الكتاب او الكاتب ناجحا او مشهورا هو عون الله اولا ثم اصراره ثانيه لكي يكون الكاتب ناجحا يجب ان يخلص النية لله وحده ثم يصمم العمل بجديه واصرار ..
مشكور على كل حال ..
انا اوافقك الرأي بمنظور اخر بمعنى ان هنالك اناس يبحثون عن نواقص اجتماعيه تتغذى رغبات بشريه بعذوبه الشذوذ الفكري بمناشدة العقل الباطني …
واخالفك بالرأي بمنظور اخر ايضا انظر لقوه اعلان الجزيره مثلا مستمد من قوه ماديه ودعم وكوادر اعلاميه هذا للمثال مع انها لا تستميل للقاذورات البيئيه الضيقه بمعنى انو لو حصل قصه طفيفه ببلد مثل السعوديه لانتشرت بكل العالم اما الغرب موبقاتهم بالشوارع لا احد يبالي واصلح الله اللامة الاسلاميه وحالها