::AbOd::

بسم الله الرحمن الرحيم

بما ان الصيف قرب والسفر حان طاريه

وبتكثر الزحمة عند مكاتب السفريات

حبيت أحط شرح لموقع الخطوط السعودية الناقل الوطني
اللي دايم رحلاتهم فل وما فيه مقاعد شاغرة

وبما اني فاشل في المقدمات والتنسيق
وبما ان العبرة دائما بالمحتوى

نبدا الشرح

اولا هذا موقع الخطوط السعودية
www.saudiarabiaairlines.com

في الصفحة الرئيسية اللي يهما هو الجزء الموضح في الصورة القادمة وتلقونه يسار الصفحة

saudi arabia airlines

١) المدينة اللي بتسافر منها
٢) المدينة اللي بتروح لها
٣) تاريخ السفر بالميلادي طبعا
٤) تاريخ العودة اذا ودك ترجع
٥) عدد الاشخاص اللي بيسافرون
الكبار هم من عمرهم اكثر من ١٢ سنة
الطفل اللي عمره بين سنتين و١٢ سنة
والرضيع اللي اقل من سنتين
٦) نختار نوع الرحلة هل هو ذهاب والا ذهاب وعودة
طبعا من الغباء انهم مخلين هالحيار في الاخير المفروض قبل التواريخ
ع العموم لو اخترت ذهاب فقط تاريخ العودة في رقم ٤ راح يختفي او يكون غير مفعل (نسيت )

وبعدها اضغط على زر اذهب
طبعا درجة السفر الافتراضية هي الضيافة لو بغيت درجة ثانية اضغط على خيارات اخرى
بتطلع صفحة جديدة فيها خيار الدرجة زي الصورة

saudi arabia airlines

بتجيك صفحة البحث زي ما هو موضع ادناه
انتظر شوي الين يطلع لك نتائج

saudi arabia airlines

صفحة النتائج كما هو موضح ادناه
لو كان احد التواريخ اللي حطيتها او كلها غير صحيحة
يعني ما فيه رحلات اصلا في هاليوم او كانت الرحلات مليانة

بيطلع لك زي ما هو طالع في الصورة تحت جدول رحلة الذهاب ثلاث خيارات
اليوم التالي= بكرة
اليوم السابق= امس بالنسبة لليوم اللي اخترته
اقرب يوم وهو افضل الخيارات برائي يجيب لك اقرب رحلة ممكنة سواء قبل او بعد التاريخ اللي حطيته

saudi arabia airlines

saudi arabia airlines

بعد تعديل التاريخ وظهور الرحلات واختيار الرحلة المناسبة لك كان فيه اكثر من رحلة في نفس اليوم

نضغط على زر استمر

بعد كذا يجيك الجدول في الصورة ادناه

saudi arabia airlines

يهمنا من الجدول التالي:
١)موعد الرحلة في اي يوم واي ساعة
طبعا بالنسبة للوقت اغلب مواقع الطيران تستخدم صيغة ال٢٤ ساعة في العرض
٢) يبين لك هل فيه ترانزيت في الرحلة والا لا وكم عددها للذهاب والعودة
٣) سعر التذاكر للفرد والاجمالي

اذا الامور كلها تمام نضغط استمر واذا مو تمام نرجع للصفحات السابقة ونعدل حسب الاحتياج

بعد كذا تجي صفحة الدخول الموضحة تحت

saudi arabia airlines

في حال عندك يوزر في موقع الخطوط
ندخل اليوزر وكلمة المرور في الخانات ١ و ٢
اذا ما عندك اضغط على الرابط عند رقم ٣
لتتوجه لصفحة التسجيل كما في الصورة القادمة

saudi arabia airlines

نعبي المعلومات المطلوبة بالكامل وبشكل صحيح ويفضل بالانجليزي خصوصا اذا تحجز رحلة دولية
* وما ننسى نحط علامة صح عند أوافق على الشروط ثم نضغط زر إنشاء حسابي الخاص

في الصورة القادمة وبعد التسجيل

saudi arabia airlines

saudi arabia airlines

يظهر لنا عرض للمعلومات
في الجزء الأول معلومات المسافر اذا كان صاحب الحساب او سبق اضافة ممكن نختاره من القائمة المنسدلة
اذا مسافر جديد نضغط على إضافة مسافر جديد ونعبي المعلومات المطلوبة بالكامل وبالانجليزي

في الجزء الثاني نختار وسائل الاتصال من ايميل ورقم جوال او هاتف

في الجزء الثالث يعيد لنا تفصيل السعر مفرد واجمالي

في الجزء الرابع نختار التذاكر الالكترونية اذا ممكن ندفع ببطاقة الائتمان او عندنا حساب في سامبا
اذا ما نبي ندفع الكترونيا وما عندنا حساب في سامبا نتوجه للخيار الثاني واللي هو شراء التذاكر من مكتب الخطوط

طبا لو اخترت تشتري من مكتب الخطوط او مكاتب الطيران بعطيك موعد لازم تشتري التذاكر قبله او راح يلغى الحجز

اذا اخترت الشراء من المكاتب فمهمتك هنا انتهت رح لاقرب مكتب وعطه رقم الحجز وخذ تذاكرك

في الجزء الخامس يعطينا خيار اننا نختار القاعد في الطائرة بدري ولكل رحلة
في حالي بغينا نختار المقاعد نضغط الرابط قدام الرحلة المطلوبة
وبيظهر لنا مخطط للطائرة كالتالي

saudi arabia airlines

طبعا لامخطط جاي بالعرض فالصف L اللي هو اعلى واحد والصف A اللي هو اخر واحد هذي اللي جنب الشباك
الرموز موضحة تحت المخطط يهمنا منها
الاول باللون البرتقالي وهي المقاعد الفاضية
والثالث باللون الرمادي وهي المقاعد المحجوزة

ونختار المقعد اللي نبي بالضغط عليه في المخطط
ونضغط اريل الاختيارات لنتوجه للصفحة التاليه وهي صفحة الدفع

saudi arabia airlines

زي ما نشوف فيه جزئين
اللي ع اليمين خاص عملاء سامبا
* راجعوا موقع سامبا اون لاين للتزكد من طريقة سامبا كونكت*

الجزء اللي ع اليسار
لمستخدمي البطاقات الائتمانية
دخل المعلومات واضغط استمرار

والمفروض يقولك كل شي تمام ويرسلك التذاكر ع الايميل وتطبعها

عذرا ع النقص في الجزئية بس مبطي ما سافرت ع السعودية

لو كان عندك يوزر من البداية وحبيت تحجز ممكن انك تسجل دخول اول وتختار حجز جديد كما في الصورة

saudi arabia airlines

في الختام اتمنى ان يكون هالموضوع مفيد ووافي

وبإذن الله راح أشرح مواقع شركات أخرى

سفراً سعيداً

بالامس حصلت على جهاز محمول وشريحة مجاناً من شركة زين ضمن برنامج الأهل والأصدقاء الخاص بموظفي الشركة للمشاركة باختبار جاهزية الشبكة قبل التشغيل الرسمي

شكلي بروح ابيع الجهاز بلا تجربة بلا هم :p

واجهتني أول مشكلة مع الماك وهي في اللغة العربية
اغلب المنتديات والايميلات العربية تكون حروف الكلمات منفصلة مما يصعب قرائتها؟

استخدم فايرفوكس ٣بيتا١

تحديث:
الحل
الحل من محمد ملياني

ها أنا أعود بعد غياب وبعد انتهاء الاختبارات الفصلية

وان شاء الله ما يكون فيه انقطاع كبير زي اللي طاف عن التدوين

لدي تساؤل بسيط

أنا منذ فترة أفكر بشراء جهاز كمبيوتر جديد ومنذ فترة بعيدة افكر باجهزة ماك غالبا التوجه للابتوب اليوم سرقت ماك بوك من واحد من الشباب عشان اجربه بصراحة احس بشي غريب جدا

لكن صديقي يقول انصحك تشتري اي ماك ولا تاخذ ماك بوك
هو يشوف انه افضل لي؟

الماكيين اللي ممكن يشوفون هالكلام وش رايهم في الموضوع
هذا اذا كان فيه احد يذكر هالمدونة

اليوم وبعد انتظار دام طويلا اشتغل الدي اس ال عندي بس والله ياهي سالفة السالفة بدت قبل ما يعرفون العالم ان فيه شي اسمه دي اس ال وانه شي زين حلمت فيه فقلت ياولد رح اشترك قبل الناس عشان تصير اول واحد المهم دقيت على الاتصالات وطلبت خدمة وقالي الموظف ردد ياليل المهم يوم شفتهم طولوا رحت اشتركت بسات نت حقت اوربت وبما اني ما اضمن هالشركات وخدمتهم لان ما عندنا حماية مستهلك او قصدي عندنا بس اسمها حماية شركة المهم قلت لازم اشترك ببطاقة ائتمانيه عشان لو صار شي من هنا ولا هنا اقدر اتصرف عن طريق البنك مو اصير دافع لي اشتراك ست شهور ولا سنه وياكلونها باردة مبردة المهم وبعد عناء مع البنوك وياجماعة عطوني بطاقة ائتمان وهم يقولون لازم راتب يا ناس انا طالب من وين اجيب لكم راتب ثابت حتى بنك الرياض اللي كان يعطي بطاقة ائتمان لطلاب الجامعات وقفها على حظي المهم بعد حوسة اقنعت الوالد انه ياخذ بطاقة باسمه واسرقها منه :d عقبها اشتركت في اوربت هالكلام له حول السنتين وجا قبل شهر ونص تقريبا دقوا على سامبا وقالوا لي طال عمرك انت مرشح للحصول على بطاقة فيزا طبعا بغيت اذبح الموظف بس قلت هو وش دخله عبد مامور اخذت البطاقة منهم وبعدها باسبوع قالي الوالد تراك اشتغلتني انت وامريكان اكسبرب ورا ما تسدد لهم وتفكني منهم كل يوم يدقون مليون مرة الحين مو طلعت بطاقة باسمك قلت ايه قال رح سدد اللي على بطاقتي والغها وحول النت على بطاقتك قلت خير ان شاء الله المهم بعد ما كلمت اوربت وقالوا لي ارسل فاكس عشان التغيير مدري وش اللي لقفني يوم السبت اللي راح حول الساعة 1:30 بالليل قلت خل ادق على 907 اسالهم لانهم قايلين يمكن بشهر اثنين تكون كبينتكم تحدثت دقيت وكلمت الموظف قالي ياخوي الدي اس ال شغال عندك من 10 ايام انا يا رجال عدل بدل يمين يسار قال هذا اللي صاير قلت طيب ورى ما علمتوني قال مسجل عندي على السستم انهم مرسلين لك مسج قلت سستمكم نصاب ما جاني شي قال هذا اللي اقدر افيدك دق بكرة من 8 الى نص الليل على تحويله الدي اس ال واستفسر منهم انا ما اقدر افيك باكثر من كذا طبعا مع الشفقة والروعة اللي جتني ماني مصدق واصلت الين 8:30 الصبح ودقيت عليهم وقالوا لي رح اشتر مودم واشتراك كلش تمام رحت يوم الاحد بالليل لجرير (مكتبتي المفضلة) وريت مودم LinkSys- WAG200G واشتراك سعودي نت 256 ورحت للبيت اشبك الجهاز بس ما فيه اشارة بغيت انهبل وادق علي الدعم الفني لسعودي نت على طول قالي الموظف انت مشترك جديد قلت ايه قال دق على اعطال الهاتف انت شغلك عندهم الحين مهوب عندنا وادق واطلب فني واقعد يومين انتظر وهم يقولون خلال 24 ساعة شكلها ساعة مريخية المهم وادق مرة ثانية واطلب استعجال الفني المهم جاني الاربعاء الظهر وما وقف عندي اكثر من عشر دقايق سوا مزامنة للخط واشتغل الخط على طوول المهم الى الان الوضع ما اعجبني مرة لاني الداون لود يوصل اعلى شي 22 كيلو والشباب اللي نفس الاشتراك يوصل  32 كيلو فالمطلوب بعد قصة حياتي اعلاه اللي عنده اي مقال او نصائح وتوجيهات عن الدي اس ال يعطيني اياها لاني اول مرة اكون انا المتحكم بالاشتراك لاني خلال يومين لازم الغي اشتراك اوربت قبل لا يجددونه واتوهق فيهم بعد دبل السعر خل اشوف هالخط بيتعدل والا الغيت وخليت اوربت بصراحة ضايق صدري اول ما ركب رحت اجرب مدينة الملك عبدالعزيز الى هالحين يحجبون والا لا طلعوا يحجبون ما بطلوا