اليوم كان عندي اختبار مادة اسمها عمليات على الوحدات الحمد لله الاختبار كان سهل وحليت زين المهم بعد الاختبار مريت محلات الدشوش اللي في السليمانية عشان اباخذ بطاقة الجزيرة الرياضية لاني لقيتها عند المحلات اللي حولنا ب200 وهي ب100 ريال اساسا يعني نسبة الربح عندهم 100% والموزع اللي لا يبارك فيه اللي الاي ار تي كل ما اكلمهم يقولي يومين والا الاسبوع الجاي المهم رحت للجماعة قلت اكيد بلقا على الاقل البطاقة ب 150 والا والله كلهم 200 ولا فيه امل ينزل ريال وفي الاخير لقيت واحد وقالي ب 190 قلت يالله لعيون الريال لان مباراة الريال والبارسا هي اللي حمستني اشتريها بس حسافة انهزموا ثلاثة 
بس يالله عندي الحين قنوات الشوتايم والاي ار تي مفتوحة الظاهر تجلس اسبوعين يقالهم اغراء :d .
مازالت مدينة الملك عبدالعزيز تعاند وما فتحت فليكر يبيلها مصيبة تفكنا منها 
بالنسبة للقنوات فـ لا أملك أي خبرة بالرياضية منها ..
..
لكن أخي كان يبحث عن الجزيرة الرياضية ولا أعتقد بأنه يعلم بأن إشتراكها كبطاقة وبهذا السعر ، سأخبره لاحقاً -ربما بعد إنتهاء الدوري-
أما فليكر فـ مالذي يقال !!
..
قمت بما علي وهو مراسلتهم ولأكثر من مرة ، ولم يبقى سوى إستجابتهم وترحّمهم ، ولا نعلم كم سيطول هذا الترحّم إن أتى ..
بالمناسبة ، فوجئت بحجب منتدى المنتدى أيضاً .. لكن عند إعطائي الرابط لصديقات بإشتراكات مختلفة كان يعمل لديّهن !! ..
فهل هو محجوب أم ماذا ؟! ..
الجزيرة الرياضية
, ما أتابع كوره بس تعجبني تجمعات الشباب في هارديز عشان يطالعون مباراه 
مبروك فوز برشلونا ,, لعيون شسمه ذاك .. ايه رونالدينيو
أتوقع أوربت خسروا مشاهدين واجد لما اشترت الجزيرة الدوري الإسباني
الدكتورة/الله يعين المنتدى محجوب عندي باتصال سعودي نت بس اذا انتي ملزمة ادخلي من الاي بي وداخلين داخلين يا مدينة الملك عبدالعزيز
http://67.15.103.43/
نواف/ الله يحييك
عبدالله ,, أعرف واحد من الشباب في المعهد يقول شريتها من طريق الملك فهد يقول المبنى اللي فيه شعار دله مدري هو المستشفى والا لا
أحس انه يستهبل بس يقول انه شراها من هناك ب 100 ريال سألته متأكد قال اييه مره انا شاريها ما يحتاج قلت اجل ابشتريها
على طاري البرسا عـ البركة فوز النصر
هلا فهد ايه هذا مبنى دلة البركة حقت ابوكامل الله ياخذ العدو وكل ما دقيت عليهم قالولي بعد يومين الاسبوع الجاي ما ندري ومن هالحكي