::AbOd::

لي اكثر من ساعة ابي اكتب اي شي ولا قدرت
راسي مصدع وعندي عشرة الاف واحد على المسنجر وكل واحد يتكلم في سالفة غير وابي اسوي تحديث ل شبكة دروس العرب ولا قدرت من الحوسة

الله يعين راح ااجل كل شي لبكرة والله يوفق

اليوم كان عندي اختبار مادة اسمها عمليات على الوحدات الحمد لله الاختبار كان سهل وحليت زين المهم بعد الاختبار مريت محلات الدشوش اللي في السليمانية عشان اباخذ بطاقة الجزيرة الرياضية لاني لقيتها عند المحلات اللي حولنا ب200 وهي ب100 ريال اساسا يعني نسبة الربح عندهم 100% والموزع اللي لا يبارك فيه اللي الاي ار تي كل ما اكلمهم يقولي يومين والا الاسبوع الجاي المهم رحت للجماعة قلت اكيد بلقا على الاقل البطاقة ب 150 والا والله كلهم 200 ولا فيه امل ينزل ريال وفي الاخير لقيت واحد وقالي ب 190 قلت يالله لعيون الريال لان مباراة الريال والبارسا هي اللي حمستني اشتريها بس حسافة انهزموا ثلاثة بس يالله عندي الحين قنوات الشوتايم والاي ار تي مفتوحة الظاهر تجلس اسبوعين يقالهم اغراء :d .

مازالت مدينة الملك عبدالعزيز تعاند وما فتحت فليكر يبيلها مصيبة تفكنا منها

في سنة من السنين قامت الاخت الدكتورة بتمرير موضوع السباعيات لي
يالله الشكوى لله نكتب اللي يطلع معنا.

سبع أمور أخطط لعملها :

5) احط اتصال سريع في البيت

6) الانتهاء من فكرة موقعي القادم

سبع أمور أستطيع عملها :

سبع أمور لا أستطيع عملها :

3) اطلع بدري للجامعة .

سبع أمور أقولها – أكتبها – دائماً :

سبعة أشخاص أمرر هذا التعقيب لهم :

الله لا يعيد هاك اليوم اللي كتبت فيه الدكتورة اسمي

أعلن في جنيف اليوم انضمام السعودية لمنظمة التجارة العالمية بشكل رسمي، حيث تسلمت وثائق الانضمام إلى المنظمة؛ لتنهي بذلك جولات المفاوضات التي بدأتها منذ 10 سنوات، وصدر عنها 7 آلاف وثيقة، وتم التوقيع على 38 اتفاقية ثنائية، وزار فيها الفريق الفني وهو عبارة عن 50 خبيراً من جميع الجهات الحكومية في السعودية أكثر من 57 دولة في العالم؛ لوضع اسم السعودية على قائمه الدول الأعضاء في المنظمة.
وكان وزير التجارة والصناعة الدكتور هاشم بن عبدالله يماني قد وصل في وقت سابق على رأس وفد رفيع المستوى إلى جنيف ليترأس وفد المملكة العربية السعودية إلى اجتماعات المجلس العمومي لمنظمة التجارة العالمية الذي بدأ أعماله اليوم (الجمعة) في مقر المنظمة بجنيف.

وذكر مصدر في وزارة التجارة والصناعية لـ (الوفاق ) أن السعودية تعتبر رسمياً من ضمن أعضاء المنظمة بعد ثلاثين يوماً من اليوم، وسوف تشارك خلال المؤتمر الوزاري السادس للمنظمة الذي سيعقد خلال الفترة من 13 إلى 18 ديسمبر المقبل في مدينة هونج كونج؛ لتصبح المملكة العربية السعودية عضواً كامل العضوية في منظمة التجارة العالمية.

ملاحظة: رابط مدونة عبدالله اللي طالع في الخبر فوق هذا لصديقنا عبدالله ماهو ابو الوزير بس انه طالع اوتماتيك

الوفاق

موقع المنظمة باللغة العربية

الف مبروك الانظمام لمنظمة التجارة العالمية واخيرا انتهى هذا الصداع في المفاوضات والله يرزق الجميع اللي فيه الخير من هالمنظمة
——————————————-
روابط:

انتهيت اليوم واخيرا من قراءة رواية حقيقة الحقيقة للكاتب الرائع دان براون صحيح انها ليست في مستوى شيفرة دافنتشي لكنها جميلة ومشوقة ومحبوكة جدا وارى انها تصلح لأن تكون فيلم سينمائي

Continue reading