::AbOd::

اليوم كان جيد جدا مع اني ما قمت الا متاخر شوي اول ما صحيت اخذت دش وطلعت من الفندق متوجه الى اليانز ارينا او ملعب كأس العالم الذي استضاف مباراة الإفتتاح في مونديال ٢٠٠٦ طبعا اول ما نزلت من الاندرقراوند اخذت لي دش ثاني ع السريع المهم اخذت جولة في الملعب وما فيه احلى من كذا والله يفكنا ممن اعدموا درة الملاعب

بعد جولة اليانز ارينا توجهت للحديقة الانجليزية وتمشيت فيها شوي بصراحة تصلح للكشتات ما فيها شي كثير
وبعدها رحت لشارع اسمه ماكسميليان على اسم ملك على ما اعتقد الشارع هذا فيه محلات لاغلى ماركات الملابس والاحذية ولا تهون السيارات اللي واقفة على جوانب الشارع انا مشيت جزء بسيط منه واقدر قيمة السيارات اللي فيه ب٢٠٠ الى٣٠٠ مليون ريال من ضمنها مرسيدس اس ال ار اماراتية جاي يشخص غريبة ما راح مع جماعة جنيف

وفجأة من هالشارع لقيت نفسي في مارين بلاتز جلست فيها شوي وبعدين رجعت للفندق ريحت شوي وطلعت لمحطة القطار جنب الفندق درت فيها شوي واخذت عشاء ورجعت للفندق للاستعداد للنوم وراي مشوار طويييل بكرة

الى اللقاء في الغد