مطر مطر مطر ويهطل المطر

اليوم طبعا زي ماتعرفون هو الأحد يعني الاجازة هنا عيد الأسبوع يوم كئيب جدا اغلب الاسواق بالكامل مقفلة ما فيه الا بعض المطاعم والمقاهي ومبعض محلات الهدايا الصغيرة فاتحين

طبعا من امس كنت مخطط على جولة سياحية مع احد الشركات وشيكت على جدولهم من موقعهم وعرفت موقعهم وكيف بروح بس اللي صار اني صرت زي مستر بين (تسمع يابو فهد) فركبت الترام رقم ١٢ (متعود عليه) بدل رقم ١٣ او ١٤ ويوم اكتشفت الموضوع وانزل في اول محطة قابلتني على اني اخذ الترام الصح لكن امطرت وانا ما اخذت مظلة من الفندق لانه يوم اطلع ما كان مطر وطول الترام الثاني على ما جا وبعدها اضطريت ارجع للمحطة الاولى عند الفندق عشان اخذ الترام الصح وبعد ما وصلت محطة الباصات وحصلت مكتب الشركة قالوا لي ان الجولة راحت طبعا كنت منشن على وحدة مدتها ٩ ساعات عشان انهي اليوم لكن امر الله فشيكت وش باقي لقيت وحدة ٥ ساعات بس ما تمشي الا ١:٣٠ الظهر وحنا ١٠ الصباح وش بيصبرني في هالمطر وين بروح والمحلات مقفلة فاذت جولة علي المدينة حركت بعد خمس دقائق وما كانت تستاهل بعد ما رجعنا خربت الاخلاق وجلست اتمشى في المطر ورحت اتغدى وتقهويت في ستاربكس وتمشيت شوي ورجعت للفندق بعد ما مليت كل شي مقفل.

جلست فتحت اللابتوب وشيكت كم موقع وكنسلت الفندق اللي انا حاجز في ميونخ لاني اكتشفت انه مقلب قوي وحجزت واحد ثاني والله يستر مدري وش تعرفيهم ليوم قبل الحجز لا يسحبون الفلوس واقعد بها ورتبت اغراضي استعداداً للمغادرة صباحا مدينة ميونخ في المانيا وهي المحطة الاخيرة من الرحلة

بعد ما سويت كل شي عشان اطلع بدري لمحطة القطار طلعت اتعشى واول ما وصلت للمطعم اللي انا رايح له والقاه مسكر مع انه المفروض ما يسكر قبل نص الليل فرجعت للفندق وخليتهم يطلبون لي عشى وتوه واصل فالى اللقاء في الغد ان شاء الله اذا كان فيه نت في الفندق الالماني الجديد