::AbOd::

في الجو في البر في البحر !!
من يذكر هالبرنامج؟
خلاص اليوم حققت جميع مراحله

اليوم بدا متاخر لاني كنت مرتاح في النومه مرة ومرهق شوي فما صحيت الا متاخر
اول ما صحت رحت لشارع تسوق مدري وش اسمه فيه محلات ومطاعم وتمشيت هناك وانا ادور بيتزا هت ولا لقيته فدخلت احسن مطعم في العالم ماكدونالدز وتغديت وافطرت مع بعض وبعدها رحت اتمشى على البحيرة شوي واخذت جولة على قارب لمدة ساعتين كان فيها استعراض لاهم المعالم والملكيات الموجودة على البحيرة منها مبنى كان دير وانتقلت ملكيته لكذا شخص الى ان وصلت لاشخاص سعوديين وكذلك قصر هدد فترة بالهدم لكن اشتراه أمير قطر واصبح يأتيه في الصيف

ودخلنا الحدود الفرنسية بدون جدوله

وبعد ما رجعنا رجعت امشي شوي واخذت لي هوت شوكليت وبعدها حسيت اني تعبت فرجعت للفندق وتعيجزت اطلع اتعشى فطلبت العشاء وبيجي بعد شوي

على فكرة فيه منافسة تشخيص خليجية في جنيف متصدرينها السعوديين للحين بواقع ٢رولز رويس و١ مازيراتي
بعدين القطريين بواقع ١ رولز رويس كشف و١ رينج روفر و١ لمبيرجيني
والاماراتيين بواحد بورشه كايين
طبعا كلهم بلوحات محلية لزوم التشخيص والظاهر انهم كلهم برضو ساكنين في الفور سيزون

وشفت الوزير السابق محمد عبده يماني بس مسيكين ما حا يشخص ما ركب الا بانوراما
بكرة للاسف ما فيه اي مخططات دورت على البحيرة مكاتب سياحية يسوون جولات ولا حصلت ابدور على النت ان حصت شي والا الله يستر لا يخرب بكرة