اليوم ما فيه اي شي يذكر الا اللهم التعب من القطار

قمت الصبح وبسرعة جهزت باقي اغراضي اللي خليتها من الليلة اللي قبل وافطرت وطلعت لمحطة القطار
اخذت من تسيل ام سي الى جنيف والمفروض انها تاخذ حوالي ٨ ساعات وفيها تغييرين للقطار لكن اللي حدث ان واحد من القطارات تاخر عن موعده حوالي ٢٠ دقيقة بسبب اعمال على الطريق فيوم وصلنا محطة زيورخ في سويسرا حصلنا القطار اللي المفروض نركبه ماشي في موعده فوجهونا على قطار ثاني بزيادة تغيير للقطار المهم ان الرحلة اخذت حوالي ٩ ساعات متواصلة بصراحة جدا متعبة

وبعد ما وصلت اخذتها من قاصرها واخذت تاكسي وللفندق بلا لفلفة وضياع مو وقته

اول ما وصلت الفندق طلع شي طبعا من الداخل والا من برى مبنى قديم جدا لكن الاثاث جدا حديث وراقي تصدقون عاد انه عندهم مكيف :d ريحت شوي وبعدها رحت لاحد اشهر المطاعم الايطالية في جنيف وتعشيت وما اعجبني اكلهم مرة
وبعد العشاء مريت البحيرة شوي وحسيت الوقت متاخر وانا تعبان فرجعت عشان انام :)

الى اللقاء في الغد

Share